Warren Buffett : వారెన్ బఫెట్.. స్టాక్ మార్కెట్ సామ్రాజ్యానికి రారాజు, ప్రపంచవ్యాప్తంగా కోట్ల మంది ఇన్వెస్టర్లకు ఆదర్శప్రాయుడు. ఆయన పేరు వినగానే మనకు గుర్తొచ్చేది వేల కోట్ల సంపద, అద్భుతమైన పెట్టుబడి సూత్రాలు. కానీ, నేడు మదర్స్ డే సందర్భంగా ఆయన ఇన్వెస్ట్మెంట్ పోర్ట్ఫోలియో గురించి కాకుండా, ఆ దిగ్గజ ఇన్వెస్టర్ వ్యక్తిత్వాన్ని మలిచిన ఆయన తల్లి లీలా స్టాల్ బఫెట్ గురించి, ఆమెతో బఫెట్కు ఉన్న సంక్లిష్టమైన బంధం గురించి తెలుసుకోవడం ఎంతో ఆసక్తికరం. ఆయన జీవిత కథ ఆధారంగా వచ్చిన ‘ద స్నోబాల్’ పుస్తకంలో ఈ ఎమోషనల్ జర్నీకి సంబంధించిన అనేక రహస్యాలు నిక్షిప్తమై ఉన్నాయి.
అమ్మ అంటే భయం.. నిశ్శబ్దంతో (Warren Buffett) నిండిన బాల్యం
చాలామంది ప్రపంచ కుబేరుల పిల్లల్లా వారెన్ బఫెట్ బాల్యం విలాసాల మధ్య సాగలేదు. నిజానికి, బఫెట్ అంటే మనకు గుర్తొచ్చే అత్యంత క్రమశిక్షణ ఆయనకు పుట్టుకతో రాలేదు, అది తన తల్లి పెట్టిన కఠినమైన నియమాల నుంచి పుట్టుకొచ్చింది. లీలా స్టాల్ బఫెట్ చాలా కఠినంగా ఉండేవారట. చిన్న చిన్న పొరపాట్లకే ఆమె విపరీతంగా కోప్పడేవారని, ఆమె మానసిక స్థితి (మూడ్) ఏమాత్రం (Warren Buffett) బాగోలేకపోయినా ఇల్లంతా నిశ్శబ్దంగా మారిపోయేదని బఫెట్ తన బయోగ్రఫీలో రాసుకున్నారు. ఒకసారి డిన్నర్ టేబుల్ వద్ద తల్లి ఆగ్రహానికి భయపడి చిన్నారి వారెన్ తన గదిలోకి వెళ్లి దాక్కున్నారంటే, ఆమె ప్రభావం ఆయనపై ఎంతలా ఉండేదో అర్థం చేసుకోవచ్చు. ఆ భయమే ఆయనలో ఒక రకమైన అప్రమత్తతను, క్రమశిక్షణను పెంచింది.
కార్పొరేట్ పాఠశాలల్లో కాదు.. ఇంట్లోనే (Warren Buffett) మనీ మేనేజ్మెంట్ పాఠాలు
వారెన్ బఫెట్ మనీ మేనేజ్మెంట్ సూత్రాలను హార్వర్డ్ లేదా కొలంబియా వంటి అగ్రశ్రేణి విశ్వవిద్యాలయాల్లో నేర్చుకోలేదు. ఆ పాఠాలన్నీ ఆయనకు తన సొంత ఇంట్లోనే అబ్బాయి. లీలా స్టాల్కు వృథా ఖర్చులు అంటే అస్సలు పడేది కాదు. ఇంటి ఖర్చుల్లో ప్రతి పైసాకు లెక్క ఉండేది. మిగతా పిల్లలు బొమ్మల కోసం మారాం చేసే వయసులో, వారెన్ తన దగ్గరున్న పాకెట్ మనీని ఎలా రెట్టింపు చేసుకోవాలో ఆలోచించేవారు. అందుకే చిన్న వయసులోనే చ్యూయింగ్ గమ్స్ అమ్మడం, ఇంటింటికీ వెళ్లి పేపర్లు వేయడం ద్వారా డబ్బు సంపాదించడం మొదలుపెట్టారు. అలా సంపాదించిన సొమ్మును విచ్చలవిడిగా ఖర్చు చేయకుండా, పొదుపు చేయడం ఆయనకు అలవాటుగా మారింది. ఈ పొదుపు గుణం, క్రమశిక్షణే నేడు ఆయనను ‘ఒమాహా మాంత్రికుడి’గా మార్చాయి.
Read Also : Fitbit Air : ఫిట్నెస్ ప్రపంచంలో సరికొత్త విప్లవం.. స్క్రీన్ లేని ఫిట్నెస్ ట్రాకర్ ఆవిష్కరించిన గూగుల్.!
మొండి ధైర్యం.. మానసిక దృఢత్వం
ఇన్వెస్ట్మెంట్ మార్కెట్లో బఫెట్ అనుసరించే అతి ముఖ్యమైన సూత్రం ‘ఓపిక’. మార్కెట్ భారీగా పతనమైనా ఆయన అస్సలు భయపడరు. ఈ మొండి ధైర్యం ఆయనకు తన బాల్యంలో ఎదుర్కొన్న సవాళ్ల నుంచే వచ్చింది. చిన్నతనంలో తల్లితో ఉన్న కఠినమైన బంధం, ఇంట్లోని ప్రతికూల (Warren Buffett) పరిస్థితులు ఆయనను మానసికంగా ఎంతో దృఢంగా మార్చాయి. ఏ పరిస్థితినైనా ప్రశాంతంగా ఎదుర్కోవడం ఆయనకు అప్పుడే అలవాటైంది. ఆర్థిక భద్రత అంటే కేవలం బ్యాంకులో బ్యాలెన్స్ పెంచుకోవడం మాత్రమే కాదు, క్లిష్ట సమయాల్లో సరైన నిర్ణయం తీసుకోవడమేనని ఆయన చిన్నప్పుడే గ్రహించారు.
సాధారణ జీవితం.. అసాధారణ గమ్యం
నేడు ప్రపంచంలోని టాప్ బిలియనీర్లలో ఒకరైనప్పటికీ, వారెన్ బఫెట్ దశాబ్దాల క్రితం కొన్న తన పాత ఇంట్లోనే నివసిస్తుంటారు. ఈ సాదాసీదా జీవితం వెనుక కూడా ఆయన తల్లి నేర్పిన పొదుపు సిద్ధాంతాలే ఉన్నాయి. ఏ బంధం కూడా పరిపూర్ణంగా ఉండదు. కొన్నిసార్లు కఠినమైన పరిస్థితులే మనకు జీవితంలో గొప్ప పాఠాలను నేర్పుతాయి. చిన్నతనంలో ఏ తల్లి కోపానికి వారెన్ బఫెట్ వణికిపోయారో, అదే తల్లి నేర్పిన క్రమశిక్షణ నేడు ఆయనను ప్రపంచంలోనే అత్యంత విజయవంతమైన ఇన్వెస్టర్గా నిలబెట్టింది. మదర్స్ డే సందర్భంగా బఫెట్ కథ మనకు ఇచ్చే గొప్ప సందేశం ఇదే.. మన జీవితంలో మనల్ని కష్టపెట్టిన నియమాలే, భవిష్యత్తులో మన విజయానికి పునాదులు వేస్తాయి.
Read Also : Narendra Modi : హైదరాబాద్కు ప్రధాని మోడీ.. భాగ్యనగరంలో ట్రాఫిక్ ఆంక్షలు ఇవే.!
