BRS : తెలంగాణ రాజకీయాల్లో కల్వకుంట్ల కవిత తన కొత్త పార్టీ “తెలంగాణ రాష్ట్ర సేన (TRS)” పేరును ప్రకటించిన కొద్దిసేపటికే, సోషల్ మీడియా వేదికగా బీఆర్ఎస్ (BRS) శ్రేణులు అత్యంత ఘాటుగా స్పందించాయి. కవిత చేసిన విమర్శలకు నేరుగా బదులివ్వకుండా, “అసలైన బ్రాండ్” , “నకిలీ బ్రాండ్”ల మధ్య ఉన్న వ్యత్యాసాన్ని వివరిస్తూ బీఆర్ఎస్ సోషల్ మీడియా విభాగాలు ఒక ఆసక్తికరమైన పోస్ట్ను షేర్ చేశాయి. ఇది ఇప్పుడు నెట్టింట వైరల్గా మారడమే కాకుండా రాజకీయ ప్రకంపనలు సృష్టిస్తోంది.
బ్రాండ్ పాపులారిటీని క్యాష్ (BRS) చేసుకునే ప్రయత్నం
బీఆర్ఎస్ నాయకులు , కార్యకర్తలు షేర్ చేస్తున్న ఫోటోలో కోల్గేట్ (Colgate) పేస్ట్కు బదులుగా ‘కూల్గేట్’ (Coolgate), బిస్లరీ (Bisleri) వాటర్ బాటిల్కు బదులుగా ‘బ్రిస్లీ’ (Brislie) వంటి డూప్లికేట్ ఉత్పత్తులను ఉదహరించారు. మార్కెట్లో ఒక బ్రాండ్కు ఉన్న పాపులారిటీని వాడుకుని, (BRS) ప్రజలను మోసం చేసి (BRS) త్వరగా డబ్బు సంపాదించాలని చూసేవారు ఇలాంటి నకిలీ బ్రాండ్లను సృష్టిస్తారని వారు ఎద్దేవా చేశారు. కవిత తన కొత్త పార్టీకి ‘టీఆర్ఎస్’ (TRS) అనే పేరును ఎంచుకోవడం కూడా అచ్చం ఇలాంటి “డూప్లికేట్ బ్రాండ్” ప్రయత్నమేనని బీఆర్ఎస్ శ్రేణులు పరోక్షంగా విమర్శించాయి.
Read Also : Kavitha New Party : కవిత కొత్త పార్టీ పేరు “TRS”.. కొత్త పార్టీ జెండా ఎగురవేసిన కవిత.!
ప్రజలు అమాయకులు (BRS) కాదు
కవిత తన ప్రసంగంలో బీఆర్ఎస్ పార్టీలో “అమ్మతనం పోయిందని”, కేసీఆర్ “మర బొమ్మ” అయ్యారని చేసిన వ్యాఖ్యలను బీఆర్ఎస్ వర్గాలు తిప్పికొట్టాయి. “ఒక బ్రాండ్ పేరును పోలిన పేరు పెట్టుకున్నంత మాత్రాన ఆ బ్రాండ్ ఇచ్చే నాణ్యతను, నమ్మకాన్ని ఎవరూ సృష్టించలేరు. ప్రజలు ఏది ఒరిజినల్, ఏది డూప్లికేట్ తెలుసుకోలేనంత అమాయకులు కాదు” అని బీఆర్ఎస్ సోషల్ మీడియా పోస్టులు పేర్కొంటున్నాయి. కేసీఆర్ స్థాపించిన అసలైన ఉద్యమ ప్రస్థానానికి, కవిత ఇప్పుడు ప్రారంభించిన పార్టీకి పోలికే లేదని వారు స్పష్టం చేస్తున్నారు.
Read Also : Lucky Zodiac Signs : మే 14 నుండి ‘గజలక్ష్మీ రాజయోగం’.. ఈ రాశుల వారి ఇంట కనక వర్షమే.!
రాజకీయ వ్యూహమా.. స్వార్థమా..?
కవిత పార్టీ పేరు “తెలంగాణ రాష్ట్ర సేన” అని ప్రకటించడంపై బీఆర్ఎస్ శ్రేణులు ఆగ్రహం వ్యక్తం చేస్తున్నాయి. ఒకవైపు కేసీఆర్ను తిడుతూనే, మరోవైపు ఆయన గతంలో పెట్టిన పేరులోని అక్షరాలను (TRS) వాడుకోవాలని చూడటం స్వార్థ రాజకీయమేనని వారు విమర్శిస్తున్నారు. (BRS) కేసీఆర్ పేరు లేకుండా తెలంగాణ రాజకీయాల్లో అస్తిత్వం ఉండదని కవితకు తెలుసు కాబట్టే ఇలాంటి ప్రయత్నాలు చేస్తున్నారని, కానీ ప్రజలు అసలైన టీఆర్ఎస్ (ప్రస్తుత బీఆర్ఎస్) వెంటే ఉన్నారని వారు ధీమా వ్యక్తం చేస్తున్నారు.
‘బ్రాండ్ వార్’ ఎటు దారితీస్తుంది?
తెలంగాణలో ప్రస్తుతం సాగుతున్న ఈ “ఒరిజినల్ vs డూప్లికేట్” చర్చ రాజకీయాల్లో కొత్త మలుపులు తెస్తోంది. ఒకప్పుడు తండ్రీకూతుళ్లుగా ఒకే గూటి కింద ఉన్న నేతలు, ఇప్పుడు బ్రాండ్ల పేర్లతో విమర్శలు చేసుకోవడం సామాన్య ప్రజలను ఆశ్చర్యానికి గురిచేస్తోంది. కవిత పార్టీ ప్రకటించిన రోజే బీఆర్ఎస్ నుంచి వచ్చిన ఈ కౌంటర్ అటాక్, రాబోయే రోజుల్లో ఈ రెండు పార్టీల మధ్య పోరాటం ఎంత తీవ్రంగా ఉండబోతుందో స్పష్టం చేస్తోంది.
