Lexus TZ : జపనీస్ లగ్జరీ ఆటోమొబైల్ దిగ్గజం లెక్సస్ (Lexus), ఎలక్ట్రిక్ వాహనాల మార్కెట్లో సరికొత్త బెంచ్మార్క్ సెట్ చేసేందుకు సిద్ధమైంది. తన మొట్టమొదటి పూర్తి స్థాయి ఎలక్ట్రిక్, మూడు వరుసల సీట్లు గల SUV ‘లెక్సస్ TZ’ను ప్రపంచవ్యాప్తంగా ఆవిష్కరించింది. ఈ ప్రీమియం ఆరు-సీట్ల మోడల్ కేవలం ప్రయాణం కోసమే కాకుండా, ప్రయాణీకులకు అత్యున్నత స్థాయి సౌకర్యం, వినూత్న సాంకేతికత , లాంగ్ జర్నీలను సులభతరం చేసేలా రూపొందించబడింది. ఐదు మీటర్లకు పైగా పొడవు, 3,050mm భారీ వీల్బేస్ను కలిగి ఉండటం వల్ల ఇది రోడ్డుపై చాలా ఆకర్షిణీయంగా కనిపించడమే కాకుండా, లోపల కూర్చునే ప్రయాణీకులకు విశాలమైన క్యాబిన్ స్పేస్ను అందిస్తుంది.
ఇంట్రెస్టింగ్ డిజైన్ (Lexus TZ)
లెక్సస్ TZ ఎక్స్టీరియర్ డిజైన్ చాలా పవర్ఫుల్ గా , రాయల్గా ఉంటుంది. దీని ముందు భాగంలో లెక్సస్ సిగ్నేచర్ గ్రిల్ తో పాటు పదునైన ‘C’ ఆకారపు LED హెడ్ల్యాంప్లు , ఆకర్షణీయమైన డేటైమ్ రన్నింగ్ లైట్లు దీనికి ఒక యూనిక్ ఐడెంటిటీని ఇస్తాయి. బంపర్లో ఉన్న బ్లాక్ కలర్ ఇన్సర్ట్లు , వైడ్ ఎయిర్ ఇన్టేక్ దీనికి ఒక దృఢమైన SUV అప్పీల్ను జోడిస్తాయి. కారు (Lexus TZ) వెనుక భాగంలో ఒక ప్రత్యేకమైన లైటింగ్ అమరిక ఉంది, ఇందులో రెండు సైడ్ లైట్లను కలుపుతూ ఒక LED లైట్ బార్ అద్భుతంగా కనిపిస్తుంది. టెయిల్గేట్పై ఉబ్బెత్తుగా చెక్కబడిన “LEXUS” బ్రాండింగ్ , L-ఆకారపు టెయిల్లైట్లు కారుకి ఒక ప్రీమియం ఫినిషింగ్ను ఇస్తాయి.
డ్రైవింగ్ లాంజ్.. విలాసవంతమైన ఇంటీరియర్ , ఫీచర్లు
లెక్సస్ ప్రకారం, ఈ కారు లోపలి భాగం ‘డ్రైవింగ్ లాంజ్’ కాన్సెప్ట్ ఆధారంగా తయారైంది. అంటే, కారులో ప్రయాణిస్తున్నప్పుడు ఒక లగ్జరీ లాంజ్లో కూర్చున్న అనుభూతి కలుగుతుంది. డాష్బోర్డ్లో 14-అంగుళాల భారీ టచ్స్క్రీన్ ఇన్ఫోటైన్మెంట్ సిస్టమ్ , డ్రైవర్ కోసం 12.3-అంగుళాల డిజిటల్ ఇన్స్ట్రుమెంట్ క్లస్టర్ ప్రధాన ఆకర్షణలుగా ఉన్నాయి. ఈ SUVలో రెండవ వరుసలో కెప్టెన్ సీట్లు ఉంటాయి, ప్రయాణీకుల సౌకర్యం కోసం పవర్డ్ ఒట్టోమాన్లు, వెంటిలేషన్ సౌకర్యం , కేవలం ఒక బటన్ నొక్కితే మడతపెట్టగల మూడవ వరుస సీట్లు వంటి హై-ఎండ్ ఫీచర్లు ఇందులో ఉన్నాయి. అదనంగా 21-స్పీకర్ల మార్క్ లెవిన్సన్ సౌండ్ సిస్టమ్, పనోరమిక్ గ్లాస్ రూఫ్ , మల్టీ-జోన్ క్లైమేట్ కంట్రోల్ వంటివి ప్రయాణాన్ని మరింత ఆహ్లాదకరంగా మారుస్తాయి.
Read Also : Pakistan Missile : బ్రహ్మోస్కు పోటీగా పాకిస్తాన్ ‘ఫతా-3’.. రక్షణ రంగంలో సరికొత్త వార్!
పర్ఫార్మెన్స్, రేంజ్, (Lexus TZ) సేఫ్టీ
లెక్సస్ TZ బ్యాటరీ , పర్ఫార్మెన్స్ విషయంలో కూడా అత్యుత్తమ ప్రమాణాలను కలిగి ఉంది. ఇది 76.96kWh , 95.82kWh అనే రెండు బ్యాటరీ ఆప్షన్లలో లభిస్తుంది, ఇందులో పెద్ద బ్యాటరీ వెర్షన్ ఒక్కసారి ఫుల్ ఛార్జ్ చేస్తే ఏకంగా 530 కిలోమీటర్ల వరకు ప్రయాణించగలదు. డ్యూయల్-మోటార్ ఆల్-వీల్ డ్రైవ్ సిస్టమ్ ద్వారా ఇది 402 hp శక్తిని ఉత్పత్తి చేస్తూ, కేవలం 5.4 సెకన్లలోనే 0 నుండి 100 కిలోమీటర్ల వేగాన్ని అందుకుంటుంది. భద్రత పరంగా లెక్సస్ సరికొత్త ADAS సేఫ్టీ సిస్టమ్ ఇందులో ఉంది. పర్యావరణంపై బాధ్యతతో ఈ క్యాబిన్ను రీసైకిల్ చేసిన అల్యూమినియం వంటి ఎకో-ఫ్రెండ్లీ మెటీరియల్స్తో నిర్మించడం విశేషం. లగ్జరీ , ఎలక్ట్రిక్ పవర్ కలయికలో వస్తున్న లెక్సస్ TZ, ప్రీమియం ఎలక్ట్రిక్ వాహనాల విభాగంలో ఒక గేమ్ ఛేంజర్ కాబోతోంది.
