Home Tips : సాధారణంగా వేసవి కాలం ఎండ తీవ్రత పెరిగినా లేదా వర్షాకాలంలో తేమ పెరిగినా మన ఇళ్లలోకి ఈగలు, దోమలు, చిన్నపాటి కీటకాలు దండులా వచ్చి చేరుతుంటాయి. ముఖ్యంగా వంటిల్లు, భోజనశాల ప్రదేశాల్లో ఈగలు వాలుతుంటే చిరాకు కలగడమే కాకుండా.. టైఫాయిడ్, కలరా వంటి ప్రమాదకర వ్యాధులు వ్యాపించే అవకాశం ఉంది. వీటిని తరిమికొట్టడానికి మనం మార్కెట్లో దొరికే రసాయనాలతో కూడిన ఫ్లోర్ క్లీనర్లను వాడుతుంటాం. అయితే, వాటిలోని గాఢమైన కెమికల్స్ వల్ల పిల్లలకు, పెంపుడు జంతువులకు అలర్జీలు వచ్చే ప్రమాదం ఉంది. అందుకే, మన ఇంట్లో ఉండే సహజ సిద్ధమైన వస్తువులతోనే ఈగలను పారద్రోలే, నేలను తళతళా మెరిపించే ‘నేచురల్ ఫ్లోర్ క్లీనర్’ను ఎలా తయారు చేసుకోవాలో ఇక్కడ వివరంగా చూద్దాం.
వినిగర్ , నిమ్మరసం.. (Home Tips) ఈగలను తరిమే అస్త్రాలు
ఈగలకు , చాలా రకాల కీటకాలకు గాఢమైన వాసనలు పడవు. ముఖ్యంగా వైట్ వినిగర్ (White Vinegar) , నిమ్మరసంలోని సిట్రిక్ యాసిడ్ (Home Tips) వీటికి బద్ధ శత్రువులు.
తయారీ విధానం: ఒక బకెట్ గోరువెచ్చని నీటిలో అర కప్పు వినిగర్, రెండు నిమ్మకాయల రసాన్ని కలపండి.
ప్రయోజనం: వినిగర్ నేలపై పేరుకుపోయిన మొండి జిడ్డును వదిలిస్తుంది. నిమ్మరసం నేలకు మంచి మెరుపును ఇవ్వడమే కాకుండా, ఒక రకమైన రిఫ్రెష్ సువాసనను ఇస్తుంది. ఈ మిశ్రమంతో ఇల్లు తుడవడం వల్ల ఆ వాసనకు ఈగలు ఇంట్లోకి రావడానికి ధైర్యం చేయవు.
రాళ్ల ఉప్పు.. పురాతన , (Home Tips) శక్తివంతమైన క్రిమిసంహారిణి
మన అమ్మమ్మల కాలంలో ఇంటిని శుభ్రం చేయడానికి (Home Tips) ‘కల్లు ఉప్పు’ లేదా రాళ్ల ఉప్పును (Rock Salt) వాడేవారు. దీని వెనుక సైన్స్ కూడా ఉంది.
పనితీరు: ఉప్పు నీరు సహజమైన క్రిమిసంహారిణిగా పనిచేస్తుంది. నీటిలో గుప్పెడు రాళ్ల ఉప్పు కలిపి ఇల్లు తుడవడం వల్ల నేలపై ఉండే సూక్ష్మజీవులు నశిస్తాయి.
విశేషం: నెగటివ్ ఎనర్జీని తొలగించి ఇంటిని ప్రశాంతంగా ఉంచడంలో కూడా ఉప్పు నీరు సహాయపడుతుందని చాలామంది నమ్ముతారు. ఈగలు ఎక్కువగా వాలే ప్రదేశాల్లో కొంచెం ఉప్పు నీటిని స్ప్రే చేస్తే అవి అక్కడి నుంచి పారిపోతాయి.
ఎసెన్షియల్ ఆయిల్స్తో సువాసన , రక్షణ
ఇల్లు తుడిచే నీటిలో సహజమైన నూనెలను (Essential Oils) కలపడం వల్ల డబుల్ బెనిఫిట్ ఉంటుంది. ఇల్లు పరిమళాలతో నిండిపోవడమే కాకుండా కీటకాలకు చెక్ పెట్టవచ్చు.
ఏ నూనెలు వాడాలి?: లావెండర్, యూకలిప్టస్ (నీలగిరి నూనె), వేప నూనె లేదా పిప్పరమెంట్ ఆయిల్.
ఎలా వాడాలి?: ఇల్లు తుడిచే నీటిలో 5 నుంచి 10 చుక్కల నూనెను కలిపి తుడవాలి. ముఖ్యంగా పుదీనా లేదా పిప్పరమెంట్ నూనె వాసన ఈగలకు అస్సలు పడదు. ఇది సహజమైన ‘మస్కిటో అండ్ ఫ్లై రిపెల్లెంట్’లా పనిచేస్తుంది.
Read Also : Lucky Zodiac Signs : మే 14 నుండి ‘గజలక్ష్మీ రాజయోగం’.. ఈ రాశుల వారి ఇంట కనక వర్షమే.!
వంటగదిలో ఈగలు రాకుండా ఉండాలంటే..
చిట్కా: వంటిల్లు ఎప్పుడూ తేమ లేకుండా పొడిగా ఉండేలా చూసుకోవాలి. కొద్దిగా దాల్చిన చెక్క పొడిని లేదా లవంగాలను కిటికీల దగ్గర ఉంచితే ఆ ఘాటుకు ఈగలు రావు.
ముఖ్య జాగ్రత్త: పండ్లు, కూరగాయల తొక్కలను ఎప్పటికప్పుడు డస్ట్బిన్లో వేసి మూత పెట్టాలి. తీపి పదార్థాలను వలిచి ఉంచకూడదు. నేలపై ఏదైనా ఆహారం పడితే వెంటనే తడి గుడ్డతో తుడిచేయాలి.
సహజ సిద్ధమైన క్లీనర్ల వల్ల ఉపయోగాలు:
మార్కెట్ క్లీనర్ల కంటే ఇంట్లో తయారు చేసిన క్లీనర్లు చాలా తక్కువ ఖర్చుతో కూడుకున్నవి. వీటిలో ఎలాంటి హానికరమైన రసాయనాలు ఉండవు కాబట్టి ఇంట్లో పసిపిల్లలు నేలపై పాకినా ఎలాంటి ఇబ్బంది ఉండదు. అంతేకాకుండా, ఇవి పర్యావరణానికి కూడా మేలు చేస్తాయి.
