Bike Accident : రోడ్డు ప్రమాదాలు అంటే సాధారణంగా వాహనాలు ఢీకొనడం లేదా బోల్తా పడటం చూస్తుంటాం. కానీ కెనడాలోని బ్రిటిష్ కొలంబియాలో జరిగిన ఒక యాక్సిడెంట్ చూస్తే మాత్రం ఎవరైనా సరే ముక్కున వేలేసుకోవాల్సిందే. సరీ-డెల్టా సరిహద్దు ప్రాంతంలో జరిగిన ఈ ఘోర ప్రమాదంలో ఒక మోటార్సైకిల్ ఏకంగా ట్రాఫిక్ సిగ్నల్ పైకి ఎగిరి అక్కడ వేలాడుతూ కనిపించింది. అసలు ఒక బైక్ అంత ఎత్తులో ఉన్న సిగ్నల్ పోల్కు ఎలా చిక్కుకుపోయింది అని నెటిజన్లు ఆశ్చర్యపోతున్నారు.
అసలు ఏం జరిగింది? పోలీసుల (Bike Accident) వెర్షన్ ఇదే.!
డెల్టా పోలీస్ డిపార్ట్మెంట్ ఇచ్చిన ఇన్ఫర్మేషన్ ప్రకారం.. శనివారం మధ్యాహ్నం 3 గంటల సమయంలో స్కాట్ రోడ్, 120వ స్ట్రీట్ జంక్షన్ వద్ద ఈ ఇన్సిడెంట్ జరిగింది. ఒక కారు , బైక్ చాలా స్పీడ్గా ఒకదానికొకటి ఢీకొన్నాయి. ఇంపాక్ట్ ఎంత బలంగా ఉందంటే, ఆ ఫోర్స్కు బైక్ గాల్లోకి (Bike Accident) ఎగిరి నేరుగా ట్రాఫిక్ సిగ్నల్ పోల్కు తగిలి అక్కడే ఇరుక్కుపోయింది. కింద ధ్వంసమైన కారును చూసిన జనం, పైకి చూడగానే సిగ్నల్ పోల్కు వేలాడుతున్న బైక్ను చూసి షాక్ అయ్యారు.
బైక్ రైడర్ పరిస్థితి , (Bike Accident) ప్రత్యక్ష సాక్షుల కథనం
ఈ ప్రమాదం జరిగిన వెంటనే స్థానికులు అలర్ట్ అయ్యి పోలీసులకు , ఎమర్జెన్సీ సర్వీసెస్కు సమాచారం ఇచ్చారు. బైక్ రైడర్ కి తీవ్రమైన గాయాలవ్వడంతో అతన్ని వెంటనే హాస్పిటల్కు తరలించారు. అదృష్టవశాత్తూ అతనికి ప్రాణాపాయం లేదని డాక్టర్లు కన్ఫర్మ్ చేశారు. ఇక కారు డ్రైవర్ కి ఎలాంటి గాయాలు కాలేదు. అక్కడే ఉన్న విలియం చాన్ అనే వ్యక్తి మాట్లాడుతూ, “నేను మొదట రోడ్డు మీద పడి ఉన్న కారు ముక్కలను చూశాను, కానీ అందరూ పైకి చూస్తుంటే ఏముందా అని (Bike Accident) చూసి షాక్ అయ్యాను. ఒక భారీ బైక్ సిగ్నల్ లైట్ల పక్కన వేలాడుతోంది, అది అస్సలు నమ్మశక్యంగా లేదు” అని తన ఎక్స్పీరియన్స్ షేర్ చేసుకున్నాడు.
Read Also : Rajinikanth – Kamal Haasan : రజనీ-కమల్ మల్టీస్టారర్.. బాక్సాఫీస్ షేక్ చేసే క్రేజీ కాంబోలోకి త్రిష ఎంట్రీ.?
ట్రాఫిక్ జామ్ , రెస్క్యూ ఆపరేషన్
ఈ విచిత్రమైన యాక్సిడెంట్ వల్ల స్కాట్ రోడ్లో ట్రాఫిక్ భారీగా నిలిచిపోయింది. పోలీసులు వెంటనే 70వ అవెన్యూ నుండి 72వ అవెన్యూ వరకు రోడ్డును క్లోజ్ చేసి ఇన్వెస్టిగేషన్ మొదలుపెట్టారు. సిగ్నల్ పోల్కు వేలాడుతున్న బైక్ను కిందికి దించడానికి రెస్క్యూ టీమ్స్ గంటల పాటు కష్టపడాల్సి వచ్చింది. రోడ్డుపై పడిన శిథిలాలను క్లీన్ చేసిన తర్వాతే ట్రాఫిక్ను మళ్ళీ పునరుద్ధరించారు.
సోషల్ మీడియాలో వైరల్.. నెటిజన్ల ఫన్నీ కామెంట్స్
ఈ ఘటనకు సంబంధించిన ఫోటోలు , వీడియోలు ఇప్పుడు ఇంటర్నెట్ను ఊపేస్తున్నాయి. “బ్రో.. నువ్వు బైక్ నడుపుతున్నావా లేక ఫ్లైట్ నడుపుతున్నావా?” అని కొందరు, “అసలు ఆ బైక్ను అంత ఎత్తులో ఎలా నిలబెట్టావ్ బాస్” అని మరికొందరు ఫన్నీగా కామెంట్స్ చేస్తున్నారు. హాలీవుడ్ యాక్షన్ సినిమాల్లో కూడా ఇలాంటి సీన్లు చూడలేదని చాలా మంది అభిప్రాయపడుతున్నారు. మొత్తానికి ఈ ‘ఫ్లయింగ్ బైక్’ యాక్సిడెంట్ ఇప్పుడు గ్లోబల్ లెవల్లో హాట్ టాపిక్ అయ్యింది.
