Abhishek Sharma : ఐపీఎల్ 2026 సీజన్లో సన్రైజర్స్ హైదరాబాద్ (SRH) జట్టు సంచలన విజయాలతో దూసుకుపోతోంది. ముఖ్యంగా ఆ జట్టు ఓపెనర్ అభిషేక్ శర్మ తన మెరుపు బ్యాటింగ్తో ప్రత్యర్థి బౌలర్లకు చుక్కలు చూపిస్తున్నాడు. బుధవారం ముంబై ఇండియన్స్తో జరిగిన ఉత్కంఠభరిత పోరులో అభిషేక్ 24 బంతుల్లోనే 4 ఫోర్లు, 3 సిక్సర్లతో 45 పరుగులు చేసి జట్టు విజయంలో కీలక పాత్ర పోషించాడు. ఈ మ్యాచ్ అనంతరం తన బ్యాటింగ్ ఫిలాసఫీ , జట్టు సక్సెస్ వెనుక ఉన్న కారణాలను అభిషేక్ సుదీర్ఘంగా వివరించాడు.
భారీ టార్గెట్లు.. ఓపెనర్ల (Abhishek Sharma) బాధ్యత
ఈ సీజన్లో ప్రతి జట్టు మొదటి ఇన్నింగ్స్లోనే భారీ స్కోర్లు నమోదు చేయాలని లక్ష్యంగా పెట్టుకుంటోంది. ఇలాంటి పరిస్థితుల్లో ఓపెనర్ల పాత్ర చాలా కీలకమని అభిషేక్ అభిప్రాయపడ్డాడు. పరిస్థితి ఏదైనా సరే, జట్టు కోసం ప్రతి ఒక్కరు బాధ్యత తీసుకోవాలని, తాను కూడా అదే (Abhishek Sharma) బాధ్యతతో బ్యాట్ ఝులిపిస్తున్నట్లు తెలిపాడు. పవర్ప్లేలో ఆడే విధానమే మ్యాచ్ ఫలితాన్ని ప్రభావితం చేస్తుందని, అందుకే తాను , ట్రావిస్ హెడ్ కలిసి ఇన్నింగ్స్ ఆరంభం నుంచే దూకుడుగా ఆడుతున్నామని చెప్పాడు.
ట్రావిస్ హెడ్ సలహా.. ‘నో కన్ఫ్యూజన్.. ఓన్లీ హిట్’
తన ఓపెనింగ్ భాగస్వామి ట్రావిస్ హెడ్ గురించి మాట్లాడుతూ, అతని నుంచి ఎప్పుడూ ఏదో ఒకటి నేర్చుకోవాలని ప్రయత్నిస్తానని అభిషేక్ అన్నాడు. “ట్రావిస్ హెడ్ ఎక్కువగా మాట్లాడడు, తన బ్యాట్తోనే సమాధానం ఇస్తాడు. కానీ నేను ఎప్పుడైనా సలహా అడిగితే.. బంతి నీ జోన్లోకి వస్తే (Abhishek Sharma) ఎలాంటి సందేహం లేకుండా హిట్ చేయమని చెబుతాడు” అని వివరించాడు. గత కొన్ని సంవత్సరాలుగా తాము ఇదే ‘హిట్టింగ్ ఫిలాసఫీ’ని అనుసరిస్తున్నామని, బంతిని గమనించి దానికి అనుగుణంగా స్పందించడమే తమ పని అని స్పష్టం చేశాడు.
Read Also : Prabhas Spirit : స్పిరిట్ అప్డేట్.. ప్రభాస్ ఫ్యాన్స్కు పూనకాలే..
టార్గెట్లు ఉండవు.. కేవలం (Abhishek Sharma) దాడి మాత్రమే!
చాలామంది బ్యాటర్లు మైదానంలోకి వెళ్లేముందు వ్యక్తిగత టార్గెట్లు సెట్ చేసుకుంటారు. కానీ అభిషేక్ మాత్రం అలాంటివేమీ ఉండవని చెప్పాడు. “నేను ప్రత్యేకంగా ఎలాంటి టార్గెట్లు సెట్ చేసుకోను. కేవలం బంతిని చూసి బాదడమే నాకు తెలుసు. ఒకవేళ ఒత్తిడి అనిపిస్తే నా పార్ట్నర్తో (Abhishek Sharma) మాట్లాడి కాన్ఫిడెన్స్ పెంచుకుంటాను, ఆపై మళ్ళీ దాడి మొదలుపెడతాను” అని చెప్పుకొచ్చాడు. స్కోర్ బోర్డుపై ఎన్ని పరుగులు ఉన్నాయి అన్నదానికంటే, బంతి ఎలా వస్తోంది అనే దానిపైనే తాము దృష్టి పెడతామని తెలిపాడు.
Read Also : Astrology Telugu : మృగశిరలోకి బుధుడి.. మే 25 నుంచి ఈ 3 రాశుల వారికి కనకవర్షం, తిరుగులేని కెరీర్.!
విజయంలో బౌలర్ల పాత్రే కీలకం
బ్యాటింగ్ యూనిట్గా తాము మెరుపు ఆరంభాన్ని ఇస్తున్నప్పటికీ, తమ విజయాల్లో బౌలర్లకు పెద్ద క్రెడిట్ ఇవ్వాలని అభిషేక్ అన్నాడు. ఈ సీజన్లో బౌలింగ్ చేయడం చాలా కష్టమైన పని అని, అయినప్పటికీ తమ బౌలర్లు అద్భుతంగా రాణిస్తున్నారని ప్రశంసించాడు. ముఖ్యంగా కెప్టెన్ పాట్ కమిన్స్ బౌలర్లను నడిపించే విధానం, ప్లాన్లను అమలు చేయడంలో మలింగ వంటి వారి సలహాలు బౌలింగ్ యూనిట్ను మరింత బలోపేతం చేశాయని అభిషేక్ శర్మ విశ్లేషించాడు. ముంబైతో జరిగిన మ్యాచ్లో సన్రైజర్స్ హైదరాబాద్ 244 పరుగుల భారీ లక్ష్యాన్ని కేవలం 18.4 ఓవర్లలోనే ఛేదించి తమ సత్తా చాటింది. ఇందులో ట్రావిస్ హెడ్ (76), అభిషేక్ శర్మ (45) అందించిన మెరుపు ఆరంభమే పునాదిగా నిలిచింది.
