AP Fuel Crisis : ఆంధ్రప్రదేశ్లో గత కొన్ని రోజులుగా పెట్రోల్, డీజిల్ కోసం వాహనదారులు తీవ్ర ఇబ్బందులు ఎదుర్కొంటున్నారు. రాష్ట్రవ్యాప్తంగా అనేక పెట్రోల్ బంకుల వద్ద ‘నో స్టాక్’ బోర్డులు కనిపించడంతో ప్రజల్లో ఆందోళన మొదలైంది. ఈ పరిస్థితులపై ముఖ్యమంత్రి నారా చంద్రబాబు నాయుడు ఆదివారం (ఏప్రిల్ 26, 2026) ఉన్నతాధికారులతో టెలికాన్ఫరెన్స్ నిర్వహించి పరిస్థితిని సమీక్షించారు. భయం వల్ల అవసరానికి మించి ఇంధనాన్ని కొనుగోలు చేయడం (Panic Buying) వల్లే ఈ కృత్రిమ కొరత ఏర్పడిందని అధికారులు ఈ సందర్భంగా వెల్లడించారు.
నివేదికలో షాకింగ్ నిజాలు సాధారణంగా ఆంధ్రప్రదేశ్లో ప్రతిరోజూ 6,330 కిలోలీటర్ల పెట్రోల్, 9,048 కిలోలీటర్ల డీజిల్ విక్రయాలు జరుగుతాయి. కానీ, కొరత ఉందన్న ప్రచారంతో శనివారం ఒక్కరోజే పెట్రోల్ విక్రయాలు 10,345 కిలోలీటర్లకు, డీజిల్ విక్రయాలు 14,156 కిలోలీటర్లకు చేరుకున్నాయి. (AP Fuel Crisis) అంటే సాధారణం కంటే 50 శాతం అధికంగా ఇంధన విక్రయాలు జరిగాయి. దీనివల్ల బంకుల్లో ఉన్న నిల్వలు త్వరగా అయిపోయి, రాష్ట్రవ్యాప్తంగా ఉన్న 4,510 బంకుల్లో సుమారు 421 బంకులు తాత్కాలికంగా మూతపడ్డాయి. ముఖ్యంగా ఏలూరు జిల్లాలో అత్యధికంగా ప్రభావం ఉండగా, కర్నూలు, రాజమండ్రి, విజయవాడ వంటి ప్రాంతాల్లో భారీ క్యూలు కనిపిస్తున్నాయి.
హోర్మిజ్ జలసంధి (AP Fuel Crisis) ఉద్రిక్తతలు.. పుకార్ల ప్రభావం
అంతర్జాతీయంగా పశ్చిమ ఆసియాలోని ‘హోర్మిజ్ జలసంధి’ (Strait of Hormuz) వద్ద నెలకొన్న ఉద్రిక్తతల కారణంగా చమురు సరఫరా ఆగిపోతుందన్న వార్తలు సోషల్ మీడియాలో వైరల్ అయ్యాయి. దీనికి తోడు కొన్ని చమురు కంపెనీలు సప్లై తగ్గించాయన్న పుకార్లతో జనం బంకుల వద్ద క్యూలు కట్టారు. బాటిళ్లు, క్యాన్లతో వచ్చి లీటర్ల కొద్దీ నిల్వ చేసుకునేందుకు ప్రయత్నించడం వల్ల ఉన్న స్టాక్ కాస్తా నిమిషాల్లో ఖాళీ అయిపోయింది. ఆక్వా రైతులు కూడా డ్రమ్ముల్లో డీజిల్ కొనుగోలు చేయడంతో సరఫరాపై అదనపు భారం పడింది.
Read Also : H-City : హైదరాబాద్ రూపురేఖలు మార్చబోతున్న ‘H-City’ ప్రాజెక్ట్
సీఎం చంద్రబాబు సీరియస్.. (AP Fuel Crisis) యాక్షన్ ప్లాన్ సిద్ధం
ముంబై పర్యటనలో ఉన్న సీఎం చంద్రబాబు, అక్కడి నుంచే అధికారులతో మాట్లాడి పరిస్థితిని చక్కదిద్దాలని ఆదేశించారు. ఇప్పటికే సరఫరాను 10 శాతం పెంచామని, ఆయిల్ మార్కెటింగ్ కంపెనీలతో నిరంతరం మాట్లాడుతున్నామని అధికారులు తెలిపారు. డీజిల్ కొరత వల్ల ఆక్వా రైతులు ఇబ్బంది పడకుండా జిల్లా కలెక్టర్లు, మత్స్యశాఖ అధికారులు ప్రత్యేక ప్రణాళికలు రూపొందించాలని సీఎం ఆదేశించారు.
అంతర్జాతీయ మార్కెట్లలో ధరలు పెరిగినప్పటికీ, దేశీయంగా ప్రభుత్వ చమురు సంస్థలు (PSU OMCs) ధరలను పెంచలేదని ప్రభుత్వం స్పష్టం చేసింది. రాష్ట్రంలో తగినన్ని నిల్వలు ఉన్నాయని, ఎవరూ ఆందోళన చెందవద్దని ప్రభుత్వం ప్రకటించింది. అనవసరంగా పెట్రోల్ నిల్వ చేసుకోవడం వల్ల ఇతరులకు ఇబ్బంది కలుగుతుందని, సంయమనం పాటించాలని కోరింది.
Read Also : Meta Layoffs : టెక్కీలకు మెటా షాక్.. మళ్ళీ మొదలైన లేఆఫ్స్ సునామీ..!
జాగ్రత్తగా ఉండండి.. (AP Fuel Crisis) పోలీసుల నిఘా
బంకుల వద్ద తోపులాటలు జరగకుండా , నల్లబజారులో ఇంధనాన్ని విక్రయించకుండా పోలీసులు నిఘా పెట్టారు. విజయవాడ, తిరుపతి వంటి నగరాల్లో ట్రాఫిక్ ఇబ్బందులు కలగకుండా క్యూ లైన్లను నియంత్రిస్తున్నారు. ప్రస్తుతం సరఫరా క్రమబద్ధీకరించే ప్రక్రియ కొనసాగుతోంది, కాబట్టి ఒకటి రెండు రోజుల్లో పరిస్థితి సాధారణ స్థితికి వస్తుందని అధికారులు ధీమా వ్యక్తం చేస్తున్నారు.
