Suryakumar Yadav : టీమిండియా టీ20 సారథి, ముంబై ఇండియన్స్ కీలక ఆటగాడు సూర్యకుమార్ యాదవ్ (SKY) జీవితంలో కొత్త ఇన్నింగ్స్ ప్రారంభమైంది. ఐపీఎల్ 2026 సీజన్ ఉత్కంఠభరితంగా సాగుతున్న తరుణంలో సూర్య దంపతుల ఇంట్లో పండంటి ఆడబిడ్డ అడుగుపెట్టింది. సూర్యకుమార్ భార్య దేవిషా శెట్టి పండంటి ఆడబిడ్డకు జన్మనివ్వడంతో ఆ కుటుంబంలో పండగ వాతావరణం నెలకొంది. ఈ తీపి కబురు సోషల్ మీడియాలో వైరల్ కావడంతో క్రికెట్ అభిమానులు, తోటి క్రీడాకారులు ఈ కొత్త తల్లిదండ్రులకు పెద్ద ఎత్తున శుభాకాంక్షలు తెలుపుతున్నారు. మైదానంలో తన బ్యాటింగ్తో సిక్సర్ల వర్షం కురిపించే సూర్య, ఇప్పుడు తండ్రిగా తన జీవితంలోనే అత్యంత మధురమైన క్షణాలను అనుభవిస్తున్నారు.
పదేళ్ల నిరీక్షణకు ఫలించిన (Suryakumar Yadav) ప్రేమకథ
సూర్యకుమార్ యాదవ్, దేవిషా శెట్టిల బంధం కేవలం వివాహంతో మొదలైంది కాదు.. అది కాలేజీ రోజుల్లో చిగురించిన అందమైన ప్రేమకథ. ముంబైలో చదువుకుంటున్న సమయంలో దేవిషా చేసిన డ్యాన్స్ పెర్ఫార్మెన్స్కు ఫిదా అయిన సూర్య, నాటి నుంచే ఆమెతో ప్రేమలో పడ్డారు. వీరిద్దరూ 2016లో పెద్దల అంగీకారంతో వివాహ బంధంతో ఒక్కటయ్యారు. వివాహమైన పదేళ్ల తర్వాత ఈ జంట ఇప్పుడు (Suryakumar Yadav) తొలిసారి తల్లిదండ్రులుగా ప్రమోషన్ పొందడం విశేషం. ఈ ఏడాది మార్చి నెలలో జరిగిన దేవిషా సీమంతం వేడుకలకు సంబంధించిన వీడియోలు సామాజిక మాధ్యమాల్లో సందడి చేయగా, అప్పటి నుంచే అభిమానులు సూర్య ఇంట్లో ‘జూనియర్ స్కై’ ఎప్పుడు వస్తారా అని ఆసక్తిగా ఎదురుచూస్తున్నారు.
సూర్యకు కలిసివచ్చిన 2026.. వరల్డ్ కప్ (Suryakumar Yadav) తర్వాత మరో విజయం
వ్యక్తిగతంగానే కాకుండా వృత్తిపరంగా కూడా 2026 సంవత్సరం సూర్యకుమార్ యాదవ్కు వెలకట్టలేని విజయాలను అందించింది. ఇటీవల ఆయన నేతృత్వంలోని టీమిండియా టీ20 వరల్డ్ కప్ 2026 టైటిల్ను గెలుచుకుని విశ్వవిజేతగా నిలిచిన సంగతి తెలిసిందే. అంతర్జాతీయ స్థాయిలో కెప్టెన్గా తన ముద్ర వేసిన సూర్యకు, ఇప్పుడు తండ్రిగా బాధ్యతలు పెరిగాయి. (Suryakumar Yadav) మైదానంలో 360 డిగ్రీల కోణంలో బంతిని ఎటువైపుకైనా పంపగలిగే సత్తా ఉన్న ఈ మిస్టర్ 360, ఇప్పుడు తన చిన్నారి రాకతో వ్యక్తిగత జీవితంలోనూ సంపూర్ణమైన ఆనందాన్ని పొందుతున్నారు. ఈ ఏడాది ఆయన కెరీర్లో , జీవితంలో ఒక మైలురాయిగా నిలిచిపోనుంది.
Read Also : Summer Health : ఏసీ గదుల్లో కూర్చుని పనిచేస్తున్నారా.? మిమ్మల్ని వేధిస్తున్న ‘నిశ్శబ్ద ముప్పు’ ఇదే.!
ముంబై ఇండియన్స్కు షాక్.. ఆర్సీబీ మ్యాచ్కు దూరం?
ఒకవైపు వ్యక్తిగత జీవితం ఆనందంగా ఉన్నప్పటికీ, ఐపీఎల్ 2026లో ముంబై ఇండియన్స్ జట్టు పరిస్థితి ఆశాజనకంగాలేదు. ఆడిన పది మ్యాచ్ల్లో కేవలం మూడు విజయాలతో పాయింట్ల పట్టికలో వెనుకబడిన ముంబైకి, రాబోయే మ్యాచ్లు అత్యంత కీలకం. మే 10న రాయ్పూర్లో రాయల్ ఛాలెంజర్స్ బెంగళూరుతో జరగనున్న కీలక పోరుకు సూర్యకుమార్ యాదవ్ అందుబాటులో ఉండకపోవచ్చని సమాచారం. భార్య ప్రసవం దృష్ట్యా తన కుటుంబంతో గడపాలని సూర్య నిర్ణయించుకోవడంతో ఆయన జట్టుతో కలిసి రాయ్పూర్ వెళ్లలేదని తెలుస్తోంది. టీమ్ మేనేజ్మెంట్ కూడా సూర్య నిర్ణయాన్ని గౌరవిస్తూ ఆయనకు సెలవు మంజూరు చేసినట్లు సమాచారం. దీంతో ఈ మ్యాచ్లో సూర్య స్థానాన్ని ఎవరు భర్తీ చేస్తారనేది ఇప్పుడు ఆసక్తికరంగా మారింది.
