Summer Health : సాధారణంగా ఎండలో తిరిగే వారికి, శారీరక శ్రమ చేసే వారికే డీహైడ్రేషన్ (శరీరంలో నీటి శాతం తగ్గడం) అవుతుందని మనం భావిస్తుంటాం. కానీ వాస్తవం దీనికి భిన్నంగా ఉంది. చల్లని ఏసీ గదుల్లో గంటల తరబడి కూర్చుని పనిచేసే ఐటీ నిపుణులు, ఆఫీసు ఉద్యోగులు ఈ సమస్య (Summer Health) బారిన పడే అవకాశం ఇంకా ఎక్కువగా ఉందని వైద్య నిపుణులు హెచ్చరిస్తున్నారు. దీనిని ఒక ‘నిశ్శబ్ద ముప్పు’గా అభివర్ణిస్తున్నారు, ఎందుకంటే శరీరం నీటిని (Health Tips) కోల్పోతున్న విషయం మనకు తెలియకుండానే జరిగిపోతుంది.
దాహం సంకేతాలను అడ్డుకుంటున్న (Summer Health) ఏసీ గాలి
హైదరాబాద్కు చెందిన ప్రముఖ నెఫ్రాలజిస్టుల విశ్లేషణ ప్రకారం, ఎండలో ఉండేవారికి చెమట పట్టడం వల్ల శరీరం సహజంగానే దాహం సంకేతాలను మెదడుకు పంపుతుంది, తద్వారా వారు నీళ్లు తాగుతారు. అయితే ఏసీ గదుల్లో ఉండేవారికి చెమట పట్టదు , బయటి వేడి తెలియదు. దీనివల్ల మెదడుకు అందాల్సిన ‘దాహం’ సంకేతాలు బలహీనపడతాయి. అదే సమయంలో (Health Tips) ఎయిర్ కండీషనర్లు (Summer Health) గదిలోని తేమను పూర్తిగా పీల్చేస్తాయి. ఈ పొడి గాలి మన చర్మం నుండి, మనం వదిలే శ్వాస ద్వారా శరీరంలోని తేమను నిరంతరం లాగేస్తుంటుంది. దీనిని వైద్య పరిభాషలో ‘ఇన్సెన్సిబుల్ వాటర్ లాస్’ అంటారు. కంటికి కనిపించకుండానే శరీరం లోపల నీటి శాతం అడుగంటిపోవడం అసలైన ప్రమాదానికి దారితీస్తుంది.
టీ, కాఫీలతో పెరుగుతున్న (Summer Health) ముప్పు
చాలామంది ఆఫీసులో అలసటను తగ్గించుకోవడానికి లేదా పని ఒత్తిడి నుంచి ఉపశమనం కోసం పదేపదే టీ లేదా కాఫీలు తాగుతుంటారు. తాము ద్రవ పదార్థాలు తీసుకుంటున్నామని వారు అనుకుంటారు కానీ, అది శరీరానికి మేలు చేయడం కంటే కీడే ఎక్కువ చేస్తోంది. టీ, కాఫీల్లో ఉండే కెఫిన్ అధికంగా ఉండటం వల్ల అవి ‘డైయూరెటిక్స్’గా పనిచేస్తాయి. అంటే ఇవి శరీరంలోని నీటిని మూత్రం రూపంలో త్వరగా బయటకు పంపేలా ప్రేరేపిస్తాయి. ఫలితంగా హైడ్రేషన్ పెరగడానికి బదులు, శరీరం ఉన్న నీటిని కూడా కోల్పోయి మరింత డీహైడ్రేషన్కు గురవుతుంది.
స్ట్రెస్ అనుకుంటే పొరపాటే.. (Health Tips) ఇవి డీహైడ్రేషన్ లక్షణాలు
ఆఫీసులో సాయంత్రం అయ్యేసరికి వచ్చే నీరసాన్ని, తలనొప్పిని చాలామంది ‘వర్క్ స్ట్రెస్’ అని పొరబడుతుంటారు. కానీ పనిపై ఏకాగ్రత తగ్గడం, కళ్లు మంటలు పుట్టడం, చర్మం పొడిబారడం వంటివి శరీరంలో నీరు తగ్గుతోందని చెప్పడానికి ప్రధాన సంకేతాలు. అలాగే మూత్రం ముదురు పసుపు రంగులోకి మారడం అనేది కిడ్నీలపై ఒత్తిడి పడుతోందని చెప్పడానికి నిదర్శనం. దీర్ఘకాలికంగా (Health Tips) ఈ అలవాటు కొనసాగితే కిడ్నీలో రాళ్లు ఏర్పడటం, మూత్రనాళ ఇన్ఫెక్షన్లు (UTI) , మలబద్ధకం వంటి తీవ్రమైన ఆరోగ్య సమస్యలు తలెత్తుతాయి. కిడ్నీల పనితీరు నెమ్మదించే ప్రమాదం కూడా ఉందని వైద్యులు హెచ్చరిస్తున్నారు.
Read Also : Giri Pradakshina : అరుణాచల 1 గిరి ప్రదక్షిణ.. పాపాల విముక్తికి పరమౌషధం.!
ఆరోగ్యంగా ఉండాలంటే ఏం చేయాలి?
ఈ సమస్య నుంచి బయటపడాలంటే దాహం వేసే వరకు వేచి చూడకుండా కొన్ని నియమాలు పాటించడం తప్పనిసరి. ఆఫీసు డెస్క్పై ఎప్పుడూ నిండుగా ఉన్న నీటి బాటిల్ను అందుబాటులో ఉంచుకోవాలి. ప్రతి గంటకు ఒక గ్లాసు నీరు తాగేలా ఫోన్లో లేదా సిస్టమ్లో రిమైండర్ పెట్టుకోవడం వల్ల శరీరానికి కావాల్సిన నీటిని సకాలంలో అందించవచ్చు. టీ, కాఫీలను వీలైనంత వరకు తగ్గించి వాటి స్థానంలో మజ్జిగ, కొబ్బరి నీళ్లు లేదా నిమ్మరసం వంటి ప్రాకృతిక పానీయాలకు ప్రాధాన్యత ఇవ్వాలి. అంతేకాకుండా గంటకోసారి సీటులో నుంచి లేచి కాసేపు నడవడం వల్ల రక్తప్రసరణ మెరుగుపడి శరీరం చురుగ్గా ఉంటుంది. ఏసీ మీకు పనిలో హాయిని ఇవ్వవచ్చు కానీ, మీ శరీరానికి అవసరమైన నీటిని అది అందించలేదని గుర్తుంచుకోవాలి.
