Vivo X300 FE : ప్రముఖ స్మార్ట్ఫోన్ దిగ్గజం వివో (Vivo), తన ఫ్లాగ్షిప్ సిరీస్లో సరికొత్త ‘వివో X300 FE’ (Fan Edition) మోడల్ను భారత మార్కెట్లోకి ప్రవేశపెట్టింది. శక్తివంతమైన స్నాప్డ్రాగన్ ప్రాసెసర్, అదిరిపోయే కెమెరా సెటప్ , భారీ బ్యాటరీతో వచ్చిన ఈ ఫోన్, ప్రీమియం స్మార్ట్ఫోన్ ప్రియులను విశేషంగా ఆకర్షిస్తోంది.
ధర, లభ్యత , ఆకర్షణీయమైన (Vivo X300 FE) ఆఫర్లు
భారత్లో వివో X300 FE రెండు విభిన్న స్టోరేజ్ వేరియంట్లలో అందుబాటులోకి వచ్చింది. 12GB RAMతో కూడిన 256GB బేస్ మోడల్ ధర రూ. 79,999 కాగా, అదే 12GB RAMతో 512GB స్టోరేజ్ కలిగిన టాప్-ఎండ్ వేరియంట్ ధర రూ. 89,999గా నిర్ణయించారు. కొనుగోలుదారులను ఆకట్టుకోవడానికి కంపెనీ లాంచ్ ఆఫర్ కింద SBI, IDFC ఫస్ట్ బ్యాంక్ , యాక్సిస్ బ్యాంక్ కార్డుల ద్వారా జరిపే లావాదేవీలపై (Vivo X300 FE) 10 శాతం వరకు తక్షణ క్యాష్బ్యాక్ సౌకర్యాన్ని కల్పిస్తోంది. ఫోటోగ్రఫీపై ఆసక్తి ఉన్నవారి కోసం ప్రత్యేకంగా జైస్ (ZEISS) టెలిఫోటో ఎక్స్టెండర్ జెన్ 2 లెన్స్ను రూ. 15,999కి, టెలిఫోటో ఎక్స్టెండర్ యాక్సెసరీ కిట్ను రూ. 3,999కి విడిగా విక్రయిస్తోంది.
అత్యున్నత స్థాయి డిస్ప్లే, (Vivo X300 FE) దీర్ఘకాలిక సాఫ్ట్వేర్ భరోసా
ఈ స్మార్ట్ఫోన్ ఆండ్రాయిడ్ 16 ఆధారిత ఒరిజిన్OS 16 పై రన్ అవుతుంది. వినియోగదారులకు దీర్ఘకాలిక సేవలు అందించే ఉద్దేశంతో ఐదేళ్ల పాటు ఆపరేటింగ్ సిస్టమ్ అప్గ్రేడ్లను, ఏడేళ్ల పాటు సెక్యూరిటీ అప్డేట్లను ఇస్తామని కంపెనీ హామీ ఇచ్చింది. డిస్ప్లే విషయానికొస్తే, (Vivo X300 FE) ఇందులో 6.31-అంగుళాల AMOLED స్క్రీన్ను అమర్చారు. ఇది 120Hz రిఫ్రెష్ రేట్, 5,000 నిట్స్ పీక్ బ్రైట్నెస్తో అద్భుతమైన విజువల్స్ అందిస్తుంది. అంతేకాకుండా, ఈ హ్యాండ్సెట్ దుమ్ము , నీటి నుంచి రక్షణ కోసం IP68 , IP69 రేటింగ్లతో వస్తుంది, ఇది మార్కెట్లో ఉన్న అత్యంత మన్నికైన ఫోన్లలో ఒకటిగా నిలుస్తుంది.
Read Also : AP SIPB : ఏపీ పారిశ్రామిక జాతర.. రూ. 2.10 లక్షల కోట్ల పెట్టుబడులకు గ్రీన్ సిగ్నల్..!
నెక్స్ట్ జనరేషన్ ప్రాసెసర్ , కూలింగ్ టెక్నాలజీ
వివో X300 FE పనితీరు కోసం క్వాల్కామ్ అత్యంత శక్తివంతమైన 3nm ఆక్టా-కోర్ స్నాప్డ్రాగన్ 8 జెన్ 5 చిప్సెట్ను వాడారు. ఇది 3.8GHz గరిష్ట క్లాక్ స్పీడ్తో అత్యంత వేగవంతమైన పనితీరును కనబరుస్తుంది. గ్రాఫిక్స్ కోసం అడ్రెనో 829 GPUని, వేగవంతమైన మల్టీటాస్కింగ్ కోసం 12GB LPDDR5x అల్ట్రా RAMని ఇందులో పొందుపరిచారు. భారీ గేమింగ్ లేదా ఎడిటింగ్ సమయంలో ఫోన్ వేడెక్కకుండా ఉండేందుకు 4,005 చదరపు మిల్లీమీటర్ల వైశాల్యం గల వేపర్ ఛాంబర్ లిక్విడ్ కూలింగ్ సొల్యూషన్ను వివో ఇందులో ఏర్పాటు చేసింది.
జైస్ (ZEISS) కెమెరాలు , అద్భుతమైన బ్యాటరీ లైఫ్
ఫోటోగ్రఫీ పరంగా వివో మరోసారి తన ముద్ర వేసింది. జైస్ సంస్థతో కలిసి రూపొందించిన ట్రిపుల్ రియర్ కెమెరా సెటప్లో 50-మెగాపిక్సెల్ ప్రధాన కెమెరా, 100x డిజిటల్ జూమ్ సపోర్ట్ చేసే 50-మెగాపిక్సెల్ టెలిఫోటో కెమెరా , 8-మెగాపిక్సెల్ అల్ట్రావైడ్ లెన్స్ ఉన్నాయి. సెల్ఫీల కోసం ముందు భాగంలో 50-మెగాపిక్సెల్ ఆటోఫోకస్ కెమెరాను ఇచ్చారు, ఇది 4K నాణ్యతతో వీడియోలను రికార్డ్ చేయగలదు. ఇక బ్యాటరీ విషయానికొస్తే, ఇందులో భారీ 6,500mAh బ్యాటరీని అమర్చారు. దీనికి 90W వైర్డ్ ఫ్లాష్ ఛార్జింగ్ , 40W వైర్లెస్ ఛార్జింగ్ సపోర్ట్ ఉండటం వల్ల అతి తక్కువ సమయంలోనే ఫోన్ పూర్తి ఛార్జ్ అవుతుంది. కనెక్టివిటీ పరంగా 5G, Wi-Fi 6.0, NFC , NavIC వంటి అన్ని రకాల లేటెస్ట్ ఫీచర్లు ఇందులో అందుబాటులో ఉన్నాయి.
