TVK Vijay: తమిళనాడు అసెంబ్లీ ఎన్నికల ఫలితాలు పాత ద్రావిడ కోటలను బద్దలు కొడుతూ కొత్త చరిత్రను లిఖించాయి. దళపతి విజయ్ నేతృత్వంలోని తమిళగ వెట్రి కళగం (TVK) రాష్ట్రంలోనే అతిపెద్ద శక్తిగా అవతరించింది. తాజా ట్రెండ్స్ ప్రకారం టీవీకే పార్టీ 108 స్థానాల్లో విజయకేతనం ఎగురవేసే దిశగా దూసుకెళ్తోంది. అయితే, మొత్తం 234 సీట్లున్న అసెంబ్లీలో మ్యాజిక్ ఫిగర్ 118కి టీవీకే కాస్త దూరంలోనే ఆగిపోయింది. ఒంటరిగా ప్రభుత్వాన్ని ఏర్పాటు చేసే మెజార్టీ లేకపోవడంతో, ఇప్పుడు విజయ్ ముఖ్యమంత్రి పీఠాన్ని ఎలా అధిరోహిస్తారనే దానిపై సర్వత్రా ఆసక్తి నెలకొంది. ప్రస్తుతం ప్రభుత్వం ఏర్పాటు చేయడానికి విజయ్ ముందు మూడు ప్రధాన మార్గాలు కనిపిస్తున్నాయి.
చిన్న పార్టీల అండతో కొత్త (TVK Vijay) ప్రయాణం
మెజార్టీకి కావాల్సిన మిగిలిన సీట్ల కోసం విజయ్ రాష్ట్రంలోని చిన్న పార్టీల వైపు చూసే అవకాశం ఉంది. ఈ ఎన్నికల్లో కాంగ్రెస్, పీఎంకే (PMK), సీపీఐ (CPI), వీసీకే (VCK) వంటి పార్టీలు కొన్ని స్థానాలను గెలుచుకున్నాయి. ఈ చిన్న పార్టీలను కలుపుకుని ఒక కూటమిగా ప్రభుత్వం ఏర్పాటు చేయడం విజయ్కు మొదటి ఆప్షన్గా కనిపిస్తోంది. దీనివల్ల డీఎంకే, అన్నాడీఎంకే వంటి దిగ్గజ పార్టీలను ధీటుగా (TVK Vijay) ఎదుర్కోవడానికి టీవీకేకు బలం వస్తుంది. అయితే, చిన్న పార్టీలతో కలిసి నడిచేటప్పుడు భవిష్యత్తులో సీట్ల సర్దుబాటు లేదా ఇతర డిమాండ్ల వల్ల కొన్ని చిక్కులు వచ్చే అవకాశం కూడా ఉంది. అయినప్పటికీ, ద్రావిడ పార్టీలకు దూరంగా ఉంటూ అధికారాన్ని చేజిక్కించుకోవడానికి ఇది ఒక మంచి మార్గం.
అన్నాడీఎంకేతో ‘మెగా’ కూటమి (TVK Vijay) ఏర్పాటు
విజయ్ ముందున్న రెండో బలమైన ఆప్షన్ అన్నాడీఎంకే (AIADMK) తో చేతులు కలపడం. ఈ రెండు పార్టీలు కలిస్తే అసెంబ్లీలో అది అతిపెద్ద కూటమిగా మారుతుంది ఇంకా చాలా సునాయాసంగా మ్యాజిక్ ఫిగర్ను దాటి ప్రభుత్వాన్ని ఏర్పాటు చేయొచ్చు. పళనిస్వామికి ఉన్న అడ్మినిస్ట్రేటివ్ ఎక్స్పీరియన్స్ విజయ్ కొత్త ప్రభుత్వానికి ప్లస్ అయ్యే ఛాన్స్ ఉంది. కానీ ఇది రాజకీయంగా చాలా సెన్సిటివ్ విషయం. పాత ద్రావిడ వ్యవస్థకు వ్యతిరేకంగానే తాను పాలిటిక్స్లోకి వచ్చానని విజయ్ తన స్పీచ్లలో పదే పదే చెప్పారు. ఇప్పుడు మళ్లీ అన్నాడీఎంకేతో పొత్తు పెట్టుకుంటే ఆయన ఇమేజ్ దెబ్బతినే ఛాన్స్ ఉంది, ఇది టీవీకే క్యాడర్కు కూడా ఇబ్బందిగా మారొచ్చు.
డీఎంకేతో అనూహ్యమైన (TVK Vijay) రాజకీయ ఒప్పందం
మూడో ఆప్షన్ కింద అధికార డీఎంకేతో కలిసి ప్రభుత్వం ఏర్పాటు చేయడం కూడా ఒక చర్చగా నడుస్తోంది. కాంగ్రెస్తో కూడిన ఒక ఒప్పందం చేసుకుని డీఎంకే సపోర్ట్తో ముందుకు వెళ్లడం ద్వారా స్థిరమైన ప్రభుత్వాన్ని అందించవచ్చు. ఈ ఒప్పందం జరిగితే ప్రభుత్వం ఏర్పాటులో ఎలాంటి టెక్నికల్ ఇబ్బందులు ఉండవు. అయితే ఎన్నికల క్యాంపెయిన్ టైమ్లో విజయ్ నేరుగా ముఖ్యమంత్రి స్టాలిన్ను, డీఎంకేను టార్గెట్ చేస్తూ తీవ్రమైన విమర్శలు చేశారు. ఇప్పుడు వారితోనే చేతులు కలిపితే ఓటర్లు ఇంకా అభిమానులు కన్ఫ్యూజ్ అయ్యే అవకాశం ఉంది. డీఎంకే వ్యతిరేక ఓటుతో గెలిచి, మళ్లీ వారితోనే కలవడం అనేది విజయ్ రాజకీయ భవిష్యత్తుపై ప్రభావం చూపవచ్చు.
మొత్తానికి ఈ మూడు ఆప్షన్లలో విజయ్ ఏ దారిని ఎంచుకుంటారనేది ఇప్పుడు తమిళ రాజకీయాల్లో హాట్ టాపిక్. పార్టీ వ్యూహకర్తలు, ముఖ్య నేతలు ఇచ్చే సలహాల మేరకు దళపతి అడుగులు పడనున్నాయి. ఏది ఏమైనా, అతిపెద్ద పార్టీగా అవతరించిన టీవీకే అధినేత విజయ్ ముఖ్యమంత్రి కావడం మాత్రం దాదాపు ఖాయంగా కనిపిస్తోంది.
