Kavitha Tweet: పాకిస్తాన్ మళ్లీ ఒకసారి తన నిర్ణయాలతో ప్రపంచానికి నవ్వుల పాలవుతోంది. నోబెల్ బహుమతుల విషయంలో చేసిన తాజా వ్యాఖ్యలు ఇప్పుడు భారత్లో తీవ్ర చర్చకు దారి తీస్తున్నాయి. ఈ నేపథ్యంలో తెలంగాణ జాగృతి అధ్యక్షురాలు, మాజీ ఎమ్మెల్సీ కవిత చేసిన వ్యాఖ్యలు ఇప్పుడు రాజకీయంగా హాట్ టాపిక్గా మారాయి. పాకిస్తాన్ నాయకులకు నోబెల్ ఇవ్వాలని కోరడం హాస్యాస్పదమని కవిత మండిపడ్డారు.
ఒకప్పుడు అమెరికా మాజీ అధ్యక్షుడు ట్రంప్కు నోబెల్ ఇవ్వాలని కోరిన పాకిస్తాన్, ఇప్పుడు తమ నాయకులకే మూడు నోబెల్లు ఇవ్వాలని అడుగుతుందా అంటూ ప్రశ్నించారు. ఈ వ్యాఖ్యలతో ఆమె పాకిస్తాన్పై నేరుగా దాడి చేశారు. “ఇలా సాగితే రేపు ఉగ్రవాదులకు కూడా నోబెల్ ఇవ్వాలని అడిగే పరిస్థితి వస్తుంది” అంటూ తీవ్రంగా స్పందించారు. హఫీజ్ సయీద్, మసూద్ అజర్ వంటి పేర్లను ఉదాహరణగా ప్రస్తావిస్తూ, ఇది ఎంత ప్రమాదకర ఆలోచనో చూపించారు.
పాకిస్తాన్పై కవిత కౌంటర్.. అంతర్జాతీయంగా ఎక్స్పోజ్ చేయాలని పిలుపు
కవిత వ్యాఖ్యలు కేవలం విమర్శలతో ఆగలేదు. భారతీయులందరికీ ఒక బాధ్యతను గుర్తు చేశారు. పాకిస్తాన్ వంటి దేశం అంతర్జాతీయ వేదికలపై మంచి పేరు తెచ్చుకునే ప్రయత్నాలను అడ్డుకోవాలని, వారి అసలు స్వరూపాన్ని ప్రపంచానికి తెలియజేయాలని పిలుపునిచ్చారు. “ఇది కేవలం సోషల్ మీడియాలో నవ్వుకునే విషయం కాదు” అని స్పష్టం చేసిన కవిత, ప్రతి భారతీయుడు స్పందించాల్సిన అవసరం ఉందని అన్నారు.
Also Read: https://www.telugunews.co/kcr-jeevan-reddy-lunch-meeting-political-news/
ట్వీట్లు, పోస్టులు, ప్రచారం కలిపి అన్నీ మార్గాల్లో పాకిస్తాన్ను ఎక్స్పోజ్ చేయాలని సూచించారు. ఇక్కడ ముఖ్యంగా ఒక విషయం హైలైట్ అవుతోంది. పాకిస్తాన్ తీసుకునే నిర్ణయాలు, వ్యాఖ్యలు తరచుగా అంతర్జాతీయంగా విమర్శలకు గురవుతుంటాయి. అలాంటి సమయంలో ఈ నోబెల్ డిమాండ్ మరింత వివాదాస్పదంగా మారింది.
రాజకీయంగా కూడా వేడి.. సోషల్ మీడియాలో వైరల్
కవిత చేసిన ఈ ట్వీట్ సోషల్ మీడియాలో వేగంగా వైరల్ అవుతోంది. చాలామంది ఆమె వ్యాఖ్యలను సపోర్ట్ చేస్తున్నారు. పాకిస్తాన్ నోబెల్ డిమాండ్ ఒక సరదా విషయం లా కనిపించినా.. దాని వెనుక ఉన్న సందేశం మాత్రం సీరియస్. కవిత చేసిన వ్యాఖ్యలతో మరోసారి ఒక విషయం స్పష్టమైంది.. అంతర్జాతీయ వేదికలపై దేశ ప్రతిష్టను కాపాడడం ప్రతి ఒక్కరి బాధ్యత. నోబెల్ కోసం పోటీ పడటం ఒక విషయం.. కానీ ఎవరికి ఇవ్వాలన్నది ప్రపంచం నిర్ణయిస్తుంది. మొత్తం మీద కవిత చేసిన కామెంట్స్ పై నెటిజన్స్, ఆమెకు జేజేలు పలుకుతున్నారు.
