SRH vs KKR : ఐపీఎల్ 2026 సీజన్లో భాగంగా ఆదివారం కోల్కతా నైట్ రైడర్స్ (KKR), సన్ రైజర్స్ హైదరాబాద్ (SRH) జట్ల మధ్య జరిగిన పోరులో సునీల్ నరైన్ అరుదైన మైలురాయిని అధిగమించి చరిత్ర సృష్టించారు. ఒకవైపు నరైన్ రికార్డులతో హోరెత్తించగా, మరోవైపు కేకేఆర్ బౌలర్ల దెబ్బకు పటిష్టమైన సన్ రైజర్స్ బ్యాటింగ్ లైనప్ పేకమేడలా కూలిపోయింది. టాస్ గెలిచి భారీ స్కోరు సాధిస్తుందనుకున్న హైదరాబాద్, అనూహ్యంగా తక్కువ పరుగులకే పరిమితమై కేకేఆర్కు సులభమైన లక్ష్యాన్ని నిర్దేశించింది.
సునీల్ నరైన్ అరుదైన (SRH vs KKR ) రికార్డుల పర్వం
ఈ మ్యాచ్లో సునీల్ నరైన్ రెండు వికెట్లు పడగొట్టడం ద్వారా ఐపీఎల్ చరిత్రలో సరికొత్త రికార్డును లిఖించారు. లీగ్ చరిత్రలో 200 వికెట్ల మైలురాయిని అందుకున్న మొట్టమొదటి విదేశీ క్రికెటర్గా ఆయన రికార్డు పుటల్లోకి ఎక్కారు. అంతేకాకుండా, ఐపీఎల్ ప్రారంభం నుండి కేవలం (SRH vs KKR) ఒకే జట్టు (కోల్కతా నైట్ రైడర్స్) తరపున ఆడుతూ ఈ ఘనత సాధించిన ఏకైక బౌలర్గా నరైన్ నిలవడం విశేషం. ఈ క్రమంలో ఆయన జస్ప్రీత్ బుమ్రా (186 వికెట్లు), లసిత్ మలింగ (170 వికెట్లు) వంటి దిగ్గజ బౌలర్లను అధిగమించారు.
ఈ మ్యాచ్కు ముందు 199 వికెట్లతో ఉన్న నరైన్, తన నాలుగు ఓవర్ల కోటాలో 31 పరుగులు ఇచ్చి 2 వికెట్లు తీసి తన మొత్తం వికెట్ల సంఖ్యను 201కి పెంచుకున్నారు. సలీల్ అరోరాను క్లీన్ బౌల్డ్ చేయడం ద్వారా 200వ వికెట్ సాధించిన ఆయన, అదే ఓవర్ చివరి బంతికి ఇషాన్ కిషన్ (42)ను కూడా అవుట్ చేసి హైదరాబాద్ పతనాన్ని శాసించారు. ప్రస్తుతం ఐపీఎల్లో అత్యధిక వికెట్లు తీసిన బౌలర్ల జాబితాలో యుజ్వేంద్ర చాహల్ (228), భువనేశ్వర్ కుమార్ (215) తర్వాత నరైన్ మూడో స్థానంలో కొనసాగుతున్నారు.
Read Also : Dacoit OTT : అడివి శేష్ ‘డెకాయిట్’ ఓటీటీ సందడి.. ప్రైమ్ వీడియోలో స్ట్రీమింగ్.. కథ ఏంటంటే?
సన్ రైజర్స్ హైదరాబాద్ (SRH vs KKR) బ్యాటింగ్ వైఫల్యం
మరోవైపు, పటిష్టమైన బ్యాటింగ్ లైనప్ ఉన్న సన్ రైజర్స్ హైదరాబాద్ ఈ మ్యాచ్లో ఘోరంగా విఫలమైంది. టాస్ గెలిచి బ్యాటింగ్ ఎంచుకున్న హైదరాబాద్కు ఓపెనర్ ట్రావిస్ హెడ్ మెరుపు ఇన్నింగ్స్తో అద్భుతమైన ఆరంభాన్ని ఇచ్చారు. హెడ్ కేవలం 28 బంతుల్లోనే 61 పరుగులు చేయడంతో ఒక దశలో హైదరాబాద్ 9 ఓవర్లలోనే 100 పరుగుల మార్కును దాటింది. అయితే, ఆ తర్వాత కేకేఆర్ బౌలర్ల ధాటికి హైదరాబాద్ బ్యాటర్లు వరుసగా పెవిలియన్ బాట పట్టారు.
Read Also : Realme GT 2 : భారీ డిస్కౌంట్..రూ. 15,000 తగ్గిన రియల్మీ GT 2.. ఫ్లిప్కార్ట్లో అదిరిపోయే డీల్!
105/1తో అత్యంత పటిష్టంగా ఉన్న స్థితి నుండి, కేవలం 51 పరుగుల వ్యవధిలోనే మిగిలిన 9 వికెట్లు కోల్పోవడం అభిమానులను విస్మయానికి గురిచేసింది. ఐపీఎల్ 2026 సీజన్లో సన్ రైజర్స్ హైదరాబాద్ జట్టు ఆల్-అవుట్ అవ్వడం ఇదే తొలిసారి. వరుణ్ చక్రవర్తి మూడు వికెట్లతో హైదరాబాద్ వెన్ను విరిచగా, సునీల్ నరైన్ తన రెండు కీలక వికెట్లతో జట్టుకు గట్టి పునాది వేశారు. అభిషేక్ శర్మ (15), హెన్రిచ్ క్లాసెన్ (11), కెప్టెన్ పాట్ కమిన్స్ (10) వంటి కీలక ఆటగాళ్లు చేతులెత్తేయడంతో, హైదరాబాద్ 19 ఓవర్లలోనే 165 పరుగులకు కుప్పకూలింది. ఈ అద్భుత బౌలింగ్ ప్రదర్శనతో కేకేఆర్ మ్యాచ్పై పూర్తి పట్టు సాధించింది.
