Good News : తిరుమల శ్రీవారిని దర్శించుకోవాలనుకునే భక్తులకు దక్షిణ మధ్య రైల్వే తిరుగులేని శుభవార్త అందించింది. భాగ్యనగరం నుండి ఏడుకొండల వాడి చెంతకు వెళ్లే ప్రయాణికుల రద్దీని దృష్టిలో ఉంచుకుని, ఇప్పటి వరకు ప్రత్యేక రైళ్లుగా నడుస్తున్న మూడు కీలక సర్వీసులను రెగ్యులరైజ్ (క్రమబద్ధీకరించడం) చేస్తూ అధికారులు నిర్ణయం తీసుకున్నారు. హైదరాబాద్, విజయవాడ మీదుగా తిరుపతికి వెళ్లే ఈ రైళ్లు ఇకపై శాశ్వత ప్రాతిపదికన భక్తులకు సేవలు అందించనున్నాయి.
నిరంతరాయంగా తిరుపతి (Good News) ప్రయాణం
సాధారణంగా రద్దీ సమయాల్లో రైల్వే శాఖ ప్రత్యేక రైళ్లను నడుపుతుంటుంది, అయితే వీటికి డిమాండ్ విపరీతంగా ఉండటంతో వాటిని శాశ్వతం చేయాలని ప్రయాణికులు ఎప్పటి నుంచో కోరుతున్నారు. ఈ నేపథ్యంలోనే రైల్వే బోర్డు ఆమోదంతో దక్షిణ మధ్య రైల్వే మూడు (Good News) ముఖ్యమైన రైళ్లను రెగ్యులర్ సర్వీసులుగా మార్చింది. హైదరాబాద్ – తిరుపతి (12764/12763), మచిలీపట్నం – తిరుపతి (17250/17249) , కాకినాడ టౌన్ – తిరుపతి (17210/17209) మధ్య నడిచే రైళ్లు ఇప్పుడు రోజూ లేదా నిర్ణీత రోజుల్లో శాశ్వతంగా అందుబాటులో ఉంటాయి. పద్మావతి, కృష్ణా , శేషాద్రి ఎక్స్ప్రెస్ వంటి ప్రధాన రైళ్లకు ఇవి అదనపు బలంగా మారనున్నాయి.
తగ్గనున్న టికెట్ (Good News) ధరల భారం
ఈ నిర్ణయం వల్ల భక్తులకు కేవలం ప్రయాణ సౌకర్యమే కాకుండా ఆర్థికంగా కూడా పెద్ద ఊరట లభించనుంది. సాధారణంగా ప్రత్యేక రైళ్లలో ప్రయాణించాలంటే సాధారణ రైళ్ల కంటే దాదాపు 1.3 రెట్లు అదనపు ఛార్జీలు చెల్లించాల్సి ఉంటుంది. ఇప్పుడు వీటిని రెగ్యులరైజ్ చేయడం వల్ల ప్రయాణికులు సాధారణ ఎక్స్ప్రెస్ రైళ్ల ధరలకే టికెట్లు పొందే అవకాశం ఉంటుంది. దీనివల్ల మధ్యతరగతి కుటుంబాలకు తిరుమల యాత్ర మరింత చౌకగా మారనుంది. విజయవాడ, రాజమండ్రి, కాజీపేట , గుంటూరు మీదుగా ప్రయాణించే వేలాది మంది భక్తులకు ఈ నిర్ణయం మేలు చేకూర్చనుంది.
Read Also : Tech Rumors : వన్ ప్లస్, రియల్మీ విలీనం? క్లారిటీ ఇచ్చిన కంపెనీ.. అసలు నిజం ఇదే!
ముందస్తు ప్రణాళికకు సువర్ణావకాశం
ప్రత్యేక రైళ్లు ఎప్పుడు రద్దు అవుతాయో తెలియక ప్రయాణికులు ఇన్నాళ్లూ రిజర్వేషన్లు చేసుకోవడానికి ఇబ్బంది పడేవారు. ఇప్పుడు ఇవి శాశ్వత రైళ్లుగా మారడంతో భక్తులు తమ తిరుమల యాత్రను కొన్ని నెలల ముందే ప్లాన్ చేసుకుని, ఐఆర్సీటీసీ (IRCTC) ద్వారా ముందస్తు రిజర్వేషన్లు చేసుకునే వెసులుబాటు కలిగింది. వేసవి సెలవులు , పండుగల సీజన్లలో ఎదురయ్యే బెర్తుల కొరతను అధిగమించడానికి ఈ కొత్త రెగ్యులర్ రైళ్లు ఎంతగానో ఉపయోగపడతాయని రైల్వే అధికారులు భావిస్తున్నారు. భవిష్యత్తులో ప్రయాణికుల రద్దీని బట్టి మరిన్ని ప్రత్యేక రైళ్లను కూడా ఇలాగే రెగ్యులరైజ్ చేసే ఆలోచనలో రైల్వే శాఖ ఉంది.
Read Also : IPL 2026 Playoffs : రేసులో దూసుకెళ్తున్న జట్లు ఇవే.. ఆ ముగ్గురు ఇంటికేనా?
