SBI : క్రెడిట్ కార్డ్ వినియోగదారులకు అలర్ట్.. నేటి నుంచే కొత్త నిబంధనలు అమలు..!

veera Senior Subeditor

May 1, 2026

SBI : మీరు స్టేట్ బ్యాంక్ ఆఫ్ ఇండియా (SBI) క్రెడిట్ కార్డ్‌ని ఉపయోగిస్తున్నారా? అయితే ఈ మే 1, 2026 నుండి అమల్లోకి వచ్చిన కొత్త నిబంధనల గురించి మీరు తప్పనిసరిగా తెలుసుకోవాలి. ఆలస్య చెల్లింపు రుసుముల (Late Payment Charges) నుండి వార్షిక ఫీజు మినహాయింపుల వరకు ఎస్‌బీఐ కార్డ్స్ అండ్ పేమెంట్ సర్వీసెస్ పలు కీలక మార్పులను ప్రకటించింది. ప్రతి నెలా ఆర్థిక రంగంలో మార్పులు రావడం సాధారణమే అయినా, ఈసారి ఎస్‌బీఐ చేసిన మార్పులు వినియోగదారుల ఖర్చు అలవాట్లపై , నెలవారీ బడ్జెట్‌పై నేరుగా ప్రభావం చూపనున్నాయి.

ఆలస్య చెల్లింపు ఛార్జీలలో (SBI) కీలక సవరణలు

బ్యాంక్ వెల్లడించిన తాజా వివరాల ప్రకారం, బకాయిల చెల్లింపులో ఆలస్యం జరిగినప్పుడు వర్తించే ఛార్జీల నిర్మాణాన్ని ప్రభుత్వం సవరించింది. గతంలో రూ. 500 వరకు ఉన్న బకాయిలపై ఎలాంటి ఆలస్య చెల్లింపు ఛార్జీ ఉండేది కాదు, కానీ ఇప్పుడు ఆ మినహాయింపు పరిమితిని భారీగా తగ్గించి కేవలం రూ. 100కు పరిమితం చేశారు. దీనివల్ల రూ. 100 నుండి రూ. 500 మధ్య బకాయిలు (SBI) ఉన్న వారు కూడా ఇప్పుడు రూ. 100 అదనంగా చెల్లించాల్సి ఉంటుంది. అదే విధంగా, రూ. 500 నుండి రూ. 1,000 మధ్య ఉన్న బకాయిలపై గతంలో ఉన్న రూ. 400 ఛార్జీని ఇప్పుడు రూ. 500కు పెంచారు. అయితే, రూ. 1,000 కి పైబడిన బకాయిలపై పాత ఛార్జీలే కొనసాగుతున్నాయి. ఇందులో రూ. 1,000–రూ. 10,000 వరకు రూ. 750, రూ. 10,000–రూ. 25,000 వరకు రూ. 950, రూ. 25,000–రూ. 50,000 వరకు రూ. 1,100 , రూ. 50,000 దాటిన బకాయిలపై రూ. 1,300 ఛార్జీలు యధాతథంగా వర్తిస్తాయి.

వార్షిక రుసుము మినహాయింపు (SBI) పరిమితిలో మార్పులు

ఆలస్య చెల్లింపులే కాకుండా, వార్షిక రుసుము (Annual Fee) మినహాయింపు పొందే నిబంధనలలో కూడా బ్యాంక్ మార్పులు చేసింది. ముఖ్యంగా ఎస్‌బీఐ బీపీసీఎల్ (SBI BPCL) క్రెడిట్ కార్డ్ వినియోగదారులకు ఇది కీలకమైన వార్త. ఈ కార్డుపై ఉండే రూ. 499 వార్షిక రుసుమును (SBI) మినహాయించుకోవాలంటే, గతంలో ఏడాదికి రూ. 50,000 ఖర్చు చేస్తే సరిపోయేది. కానీ కొత్త నిబంధనల ప్రకారం, ఇప్పుడు కస్టమర్లు ఏడాదికి కనీసం రూ. 1,00,000 ఖర్చు చేయాల్సి ఉంటుంది. ఈ పరిమితిని రెట్టింపు చేయడంతో, తక్కువ ఖర్చు చేసే వినియోగదారులు ఇప్పుడు వార్షిక రుసుమును భరించక తప్పదు.

వినియోగదారులు తీసుకోవాల్సిన జాగ్రత్తలు

ఈ కొత్త నిబంధనలు క్రెడిట్ కార్డ్ వినియోగదారులపై కొంత ఆర్థిక భారాన్ని పెంచే అవకాశం ఉన్నప్పటికీ, ముందస్తు ప్రణాళికతో వీటిని అధిగమించవచ్చు. వినియోగదారులు తమ క్రెడిట్ కార్డ్ బిల్లులను గడువు తేదీ కంటే ముందే చెల్లించడం ద్వారా భారీ ఆలస్య చెల్లింపు ఛార్జీల నుండి తప్పించుకోవచ్చు. అలాగే, వార్షిక రుసుము మినహాయింపు కావాలనుకునే వారు తమ ఖర్చులను లక్ష రూపాయల పరిమితికి అనుగుణంగా ప్లాన్ చేసుకోవడం మంచిది. నేటి నుండే ఎల్పీజీ ధరలు , ఇతర సేవల్లో మార్పులు అమల్లోకి వచ్చిన నేపథ్యంలో, ఎస్‌బీఐ వినియోగదారులు ఈ మార్పులను గమనించి తమ ఆర్థిక లావాదేవీలను నిర్వహించుకోవాలని నిపుణులు సూచిస్తున్నారు.