TGSRTC : తెలంగాణలో గత మూడు రోజులుగా సాగుతున్న ఆర్టీసీ సమ్మె ఒక కొలిక్కి వచ్చే సూచనలు కనిపిస్తున్నాయి. రాష్ట్రవ్యాప్తంగా బస్సులు డిపోలకే పరిమితమై ప్రయాణికులు తీవ్ర ఇబ్బందులు పడుతున్న తరుణంలో, ప్రభుత్వం , ఆర్టీసీ జేఏసీ (JAC) నేతల మధ్య జరిగిన తాజా చర్చలు సఫలమైనట్లు తెలుస్తోంది. మంత్రుల బృందంతో జరిగిన ఈ సుదీర్ఘ భేటీలో ఉద్యోగుల చిరకాల వాంఛ అయిన ‘విలీనం’ సహా పలు కీలక డిమాండ్లపై సర్కార్ సానుకూల నిర్ణయాలు తీసుకున్నట్లు సమాచారం.
ఆర్టీసీ విలీనానికి (TGSRTC) గ్రీన్ సిగ్నల్?
ఈ చర్చల్లో అత్యంత కీలకమైన అంశం ఆర్టీసీని ప్రభుత్వంలో విలీనం చేయడం. గత కొంతకాలంగా ఉద్యోగులు ప్రధానంగా కోరుతున్న ఈ డిమాండ్కు ప్రభుత్వం సూత్రప్రాయంగా అంగీకరించినట్లు సమాచారం. ఒకవేళ విలీన ప్రక్రియ అధికారికంగా పూర్తయితే, ఆర్టీసీ కార్మికులు (TGSRTC) ప్రభుత్వ ఉద్యోగులుగా గుర్తింపు పొందుతారు. దీనివల్ల గుర్తింపు ఎన్నికలు, పీఆర్సీ (PRC) అమలు వంటి సమస్యలు ఆటోమేటిక్గా పరిష్కారమవుతాయని భావిస్తున్నారు. ఇది ఆర్టీసీ చరిత్రలో ఒక చారిత్రాత్మక మలుపుగా మారనుంది.
ఎలక్ట్రిక్ బస్సులు , (TGSRTC) బదిలీల నిలిపివేత
గ్రేటర్ హైదరాబాద్ పరిధిలో ఎలక్ట్రిక్ బస్సుల ప్రవేశంపై ఉన్న సందిగ్ధతకు ప్రభుత్వం తెరదించింది. ఎలక్ట్రిక్ బస్సుల కొనుగోలు ప్రక్రియను ప్రభుత్వమే స్వయంగా చేపడుతుందని స్పష్టం చేసింది. అయితే, ప్రైవేట్ డ్రైవర్ల నియామకం నేపథ్యంలో నగరంలో పనిచేస్తున్న పాత సిబ్బందిని ఇతర ప్రాంతాలకు బదిలీ చేస్తారనే ఆందోళన ఉద్యోగుల్లో నెలకొంది. దీనిపై మంత్రుల బృందం స్పందిస్తూ.. నగర సిబ్బందిని ఎక్కడికీ బదిలీ చేయకుండా రక్షణ కల్పిస్తామని, వారందరికీ ఇక్కడే విధులను కేటాయిస్తామని భరోసా ఇచ్చారు.
Read Also : Meta Layoffs : టెక్కీలకు మెటా షాక్.. మళ్ళీ మొదలైన లేఆఫ్స్ సునామీ..!
కారుణ్య నియామకాల (TGSRTC) క్రమబద్ధీకరణ
ఆర్టీసీలో కారుణ్య నియామకాల కింద ఉద్యోగం పొందిన వారికి ప్రభుత్వం పెద్ద పీట వేసింది. ఇప్పటివరకు కాంట్రాక్ట్ ప్రాతిపదికన, తక్కువ వేతనాలతో పనిచేస్తున్న వారిని ఇకపై పర్మినెంట్ (ఖరారు) చేయాలని నిర్ణయించారు. వీరికి ప్రభుత్వ నిబంధనల ప్రకారం పూర్తిస్థాయి వేతనాలు , భద్రత కల్పించేలా ఆమోదం తెలిపినట్లు తెలుస్తోంది. ఈ నిర్ణయం వందలాది బాధిత కుటుంబాలకు దీర్ఘకాలిక భరోసాను ఇవ్వనుంది.
29 డిమాండ్లపై సమ్మతి
ఇప్పటికే ఉద్యోగులు పెట్టిన 29 చిన్న , మధ్యతరహా డిమాండ్లకు ప్రభుత్వం సమ్మతించిన విషయం తెలిసిందే. తాజా చర్చల పురోగతితో కలిపి చూస్తే, ఉద్యోగ భద్రత కల్పించే విషయంలో ప్రభుత్వం పూర్తి సానుకూలతతో ఉన్నట్లు కనిపిస్తోంది. బకాయిలు ఉన్న జీతాల చెల్లింపు, మెడికల్ సదుపాయాల మెరుగుదల వంటి అంశాలపై కూడా స్పష్టత వచ్చినట్లు సమాచారం.
Read Also : Green Energy : అనకాపల్లిలో గ్రీన్ ఎనర్జీ విప్లవం.. ఏపీని ఇంధన హబ్గా మార్చే దిశగా సంచలన అడుగు.!
సమ్మె విరమణ ఎప్పుడంటే?
గత మూడు రోజులుగా రాష్ట్రవ్యాప్తంగా రవాణా వ్యవస్థ స్తంభించిపోయింది. ప్రభుత్వం నుంచి వచ్చిన ఈ సానుకూల సంకేతాలతో సమ్మె విరమణ దిశగా జేఏసీ అడుగులు వేస్తోంది. అయితే, మంత్రుల బృందం ఇచ్చిన హామీలు అధికారికంగా ఉత్తర్వుల రూపంలో వచ్చే వరకు అప్రమత్తంగా ఉండాలని ఉద్యోగ సంఘాలు నిర్ణయించాయి. త్వరలోనే ముఖ్యమంత్రి నుంచి లేదా సంబంధిత శాఖ నుంచి అధికారిక ప్రకటన వెలువడే అవకాశం ఉంది. అదే జరిగితే, నేడో రేపో బస్సులు తిరిగి రోడ్డెక్కే అవకాశం ఉంది. మొత్తం మీద, ప్రభుత్వ మెట్టు దిగి రావడం , కార్మికుల సమస్యలపై సానుకూలంగా స్పందించడం ఆర్టీసీ భవిష్యత్తుకు శుభసూచకమని విశ్లేషకులు భావిస్తున్నారు.
