Diet Mistakes : గుడ్డు ఒక సంపూర్ణ ఆహారం. ప్రోటీన్లు, విటమిన్లు, , ఖనిజాలతో నిండిన గుడ్డును రోజూ తినడం వల్ల ఎన్నో ఆరోగ్య ప్రయోజనాలు ఉన్నాయి. అయితే, గుడ్డును ఏ ఆహారంతో కలిపి తీసుకుంటున్నామనేది కూడా అంతే ముఖ్యం. కొన్ని రకాల ఆహార పదార్థాలను గుడ్డుతో కలిపి తీసుకుంటే, అవి జీర్ణక్రియపై ప్రభావం చూపడమే కాకుండా శరీరానికి అందాల్సిన పోషణను కూడా అడ్డుకుంటాయి. మలయాళ సమయం నివేదిక ప్రకారం, గుడ్డుతో కలిపి తీసుకోకూడని ఆ 5 ముఖ్యమైన ఆహార పదార్థాలు ఇవే.
టీ (Tea) , గుడ్డు.. (Diet Mistakes) ఒక అనారోగ్యకరమైన కాంబినేషన్
చాలా మంది ఉదయం బ్రేక్ఫాస్ట్లో గుడ్డు లేదా ఆమ్లెట్ తింటూ టీ తాగుతుంటారు. కానీ ఇది ఏమాత్రం మంచి పద్ధతి కాదు. టీలో ఉండే ‘పాలిఫెనాల్స్’ గుడ్డులోని ప్రోటీన్లను శరీరం (Diet Mistakes) గ్రహించకుండా అడ్డుకుంటాయి. ఒక అధ్యయనం ప్రకారం, గుడ్డుతో పాటు టీ తాగడం వల్ల ప్రోటీన్ శోషణ సుమారు 17% తగ్గుతుంది. అంతేకాకుండా, దీనివల్ల గ్యాస్, ఎసిడిటీ , మలబద్ధకం వంటి సమస్యలు తలెత్తే అవకాశం ఉంది.
చక్కెర (Sugar).. (Diet Mistakes) రక్తప్రసరణకు ముప్పు
గుడ్డును చక్కెరతో కలిపి వండటం లేదా గుడ్డు తిన్న వెంటనే తీపి పదార్థాలు తీసుకోవడం హానికరం. గుడ్డులోని అమైనో యాసిడ్లు చక్కెరతో కలిసినప్పుడు శరీరంలో కొన్ని ప్రతికూల రసాయన చర్యలు జరుగుతాయి. ఇది రక్తంలో గడ్డలు (Blood Clots) ఏర్పడే ప్రమాదాన్ని పెంచుతుందని నిపుణులు హెచ్చరిస్తున్నారు. ముఖ్యంగా డయాబెటిస్ ఉన్నవారు ఈ కాంబినేషన్కు దూరంగా ఉండటం శ్రేయస్కరం.
Also Read : Heatstroke : ఎండలో చిన్న నిర్లక్ష్యం.. ‘వడదెబ్బ’తో ప్రాణాలే పోతాయ్..! ఈ సంకేతాలు మిస్ అవొద్దు..!
సోయా పాలు (Soy Milk).. ప్రోటీన్ అధికమైతే కష్టమే
సోయా పాలు ఆరోగ్యకరమైనవే, కానీ గుడ్డుతో కలిపినప్పుడు మాత్రం సమస్యలు వస్తాయి. సోయా పాలలో కూడా ప్రోటీన్ ఎక్కువగా ఉంటుంది. గుడ్డు , సోయా పాలు రెండూ ఒకేసారి తీసుకుంటే జీర్ణవ్యవస్థపై అదనపు భారం పడుతుంది. దీనివల్ల శరీరం ప్రోటీన్లను సమర్థవంతంగా గ్రహించలేక పోవడమే కాకుండా, కడుపు ఉబ్బరం వంటి ఇబ్బందులు తలెత్తుతాయి.
అరటిపండు (Banana): జీర్ణక్రియలో జాప్యం
జిమ్ చేసేవారు లేదా ఫిట్నెస్ ప్రియులు తరచుగా గుడ్డు , అరటిపండును కలిపి తీసుకుంటారు. అయితే, ఇవి రెండూ జీర్ణం కావడానికి వేర్వేరు సమయాలు తీసుకుంటాయి. వీటిని ఒకేసారి తీసుకోవడం వల్ల జీర్ణ ప్రక్రియ నెమ్మదిస్తుంది, ఇది కడుపులో భారంగా అనిపించడానికి కారణమవుతుంది. ఈ రెండింటి మధ్య కనీసం 30 నుండి 60 నిమిషాల వ్యవధి ఉండటం మంచిది.
Also Read : Viral News : సోఫాపై మొసలి ‘చిల్’.. రెస్టారెంట్లో 12 అడుగుల గెస్ట్తో షాక్.!
మాంసం (Meat) , కొవ్వు పదార్థాలు
గుడ్డును రెడ్ మీట్, బేకన్ లేదా సాసేజ్ వంటి అధిక కొవ్వు ఉండే మాంసంతో కలిపి తీసుకోవడం వల్ల శరీరంలో కొలెస్ట్రాల్ , కొవ్వు స్థాయిలు వేగంగా పెరుగుతాయి. ఈ భారీ ఆహారం జీర్ణం కావడానికి చాలా సమయం పడుతుంది, దీనివల్ల తిన్న తర్వాత నీరసంగా లేదా బద్ధకంగా అనిపించవచ్చు. దీర్ఘకాలంలో ఇది గుండె సంబంధిత సమస్యలకు దారితీసే అవకాశం ఉంది.
సరైన సమయంలో.. సరైన రీతిలో..!
ఆరోగ్యాన్ని ఇచ్చే గుడ్డును తీసుకునేటప్పుడు పైన పేర్కొన్న ఆహార పదార్థాలకు దూరంగా ఉండటం మంచిది. సిట్రస్ పండ్లు (నిమ్మ, ఆరెంజ్) , పెరుగు కూడా గుడ్డుతో కలిపి తీసుకోకపోవడమే ఉత్తమం. పోషకాలు శరీరానికి పూర్తిస్థాయిలో అందాలంటే, గుడ్డును విడిగా లేదా కూరగాయలతో కలిపి తీసుకోవాలని ఆరోగ్య నిపుణులు సూచిస్తున్నారు.
